प्रदेश २ः मोटरसाईकललाई बसले ठोक्दा २ युवकको घटनास्थलमै मृत्यू !

न्यूज ब्यूरो, सिरहा । प्रदेश नम्बर २ को सिरहामा मोटरसाईकल र बस ठोक्किदाँ दुई जनाको घटनास्थलमै मृत्यू भएको छ ।

शुक्रबार (आज) बेलुकी करिब ७ः३५ बजेको समयमा सिरहाको कर्जन्हा नगरपालिका वडा नं. १० प्रयागपुर स्थित पूर्व पश्चिम राजमार्गमै मोटरसाईल र यात्रुवाहक बस जुध्दा मोटरसाईकलमा सवार दुवै जनाको घटनास्थलमै मृत्यू भएको ईलाका प्रहरी कार्यालय मिर्चैयाले जनाएको छ ।

मृत्यू हुनेमा धनुषाको सबैला नगरपालिका वडा नं. १३ बस्ने बर्ष १८ का सचिन महतो र पछाडी सवार अन्दाजी बर्ष २३ का सुशिल महतो रहेको ईलाका प्रहरी कार्यालय मिर्चैयाका डिएसपी एवम् ईन्चार्ज राजेन्द्र श्रेष्ठले जानकारी दिएका छन् ।

मृतक सचिन ज ८ प ६४८४ नम्बरको मोटरसाईकल चलाउँदै जन्ती गइरहेको बेला तीव्र गतिमा आएको एक यात्रुबाहक बसले ठक्कर दिएपछि दुर्घटना भएको प्रहरीले जनाएको छ ।

धनुषाबाट पूर्व तर्फ मोटरसाईकललाई विपरित दिशातर्फबाट आउँदै गरेको ना ५ ख ५२४५ नम्बरको यात्रुबाहक बसले ठक्कर दिएपछि महतोद्धयको घटनास्थलमै मृत्यू भएको प्रहरीले जनाएको छ । मृतकहरुको पोष्टमार्टम लहान अस्पतालमा गरिएको जनाइएको छ ।

इलाका प्रहरी कार्यालय मिर्चैयाका अनुसार, ठक्कर दिने बसलाई धनुषाको ढल्केवरबाट पक्राउ गरिएको हो । ठक्कर दिएर बस चालकले बस तीव्र गतिमा कुदाउँदै भाग्न खोजेका थिए । प्रहरीले सक्रियता देखाएपछि बस र बस चालकलाई ढल्केवर प्रहरीको सहयोगमा पक्राउ गर्न सफल भएको हो ।

मृतकको शवलाई भोली परिवारजनको जिम्मा लगाइने जनाइएको छ ।

---

तस्विरः फाईल तस्विर साँकेतिक प्रयोजनको लागि मात्र ।