प्रदेश २ का सभामुख यादवले लिए 'हिन्दी' मा सपथ

न्यूज ब्यूरो
जनकपुरधाम, २ फागुन । प्रदेश नं. २ का सभामुखले हिन्दी भाषा सपथ लिएका छन् ।

प्रदेश नं. २ मा भाषा विवाद चलिरहेका बेला नव निर्वाचित सभामुख सरोज यादवले हिन्दी भाषामा सपथ लिएका हुन् ।
प्रदेश प्रमुख रत्नेश्वर लाल कायश्थले ईश्वरको साक्षी मानी सपथ ग्रहण गराएका हुन् ।

केही दिनदेखि प्रदेशमा कामकाजीको भाषा हिन्दीलाई विरोध गरिरहेको बेला सभामुखले हिन्दी भाषामा सपथ लिएका हुन् ।
प्रदेश २ को प्रथम प्रदेश सभा बैठकमा समेत राजपा तथा फोरमका प्रदेश सभा सदस्यहरुले हिन्दी भाषामा सपथ लिएका थिए ।

सरोज यादवलाई सभामुखको लागि संघीय समाजवादी फोरम संसदीय दलका नेता एवम् मुख्यमन्त्री लालबावु राउतले समेत समर्थन गरेका थिए ।

सभामुख पदमा यादवको एकमात्र उम्मेदवारी परेकोले राजपाको तर्फबाट यादव सभामुखमा निर्विरोध निर्वाचित भएका प्रदेशसभाका जेष्ठ सदस्य लगनलाल चौधरीले घोषणा गरेका थिए ।

सभामुख चयन भएपछि यादवले अबको बाटो चुनौतीपूर्ण रहेको भन्दै सबै दललाई मिलाएर अघि बढ्ने प्रतिबद्धता जनाए ।

बैठकले उपसभामुखको निर्वाचन फागुन ४ गते शुक्रवारको लागि तोकेको छ ।

उपसभामुखको लागि निर्वाचन प्रदेश संसद् सचिवालयले कार्यतालिका प्रकाशित गरेको छ ।