८ महिनाको अन्तरालमा सिरहावासीले सुरक्षाको अनुभूति गरेको छ : एसएसपी पँजीयार

न्यूज ब्यूरो, सिरहा । सिरहामा प्रहरी प्रमुख (एसपी) भएर रहँदा ८ महिनाको अन्तरालमा सिरहावासीले सुरक्षाको अनुभूति गरेको एसएसपी उमाशंकर पँजीयारले बताएका छन् ।

प्रहरी नीरिक्षकबाट जनपद प्रहरीमा सेवा सुरुवात गरेका पँजीयार अहिले एसएसपीमा बढुवा भएको छ । सिरहामा एसपी भएर कार्यभार सम्हालेका पँजीयारको ८ महिनाको अन्तरालमा समाजिक अपराधका क्रियाकलापहरुमा न्यूनिकरण भएको दाबी गरे ।

उनले सिरहामा सशस्त्र प्रहरीलाई हत्या गरी फालिएको अपराधीलाई कानुनको दायरामा ल्याएको सुनाए । यस्तै, विभिन्न अपराधिक क्रियाकलापमा सँलग्न रहेका व्यक्तिहरुलाई विशेष टोली मार्फत कानुनको दायारमा ल्याउन सफल भएको सुनाए ।

सिरहामा रहँदा अपराधिक गतिविधिमा न्यूनिकरण, सुरक्षाको प्रत्याभूति सहित सँचारमाध्यमहरुलाई समेत सूचनाको दृष्टिकोणले सहकार्य गरेको भन्दै त्रिनेत्र न्यूज नेटवर्क प्रा.लि. द्धारा सँचालित न्यूज ब्यूरोको तर्फबाट प्रशसाँ पत्र प्रदान गरेको गरिएको सँक्षिप्त कुराकानीमा उनले सो कुराहरु बताए ।

न्यूज ब्यूरोका सिरहा सँवाददाता सबिन्द्र यादवले उनको कार्यालयको क्वाटरमै पुगेर प्रशँसा पत्र प्रदान गरेका थिए । सो क्रममा एसएसपी पँजीयारले जिल्लाभित्र भएको विभिन्न सयममा दलाली, बलात्कारका घटना मिलाउने पँचहरुलाई समेत कानुनको दायरामा ल्याएको सुनाए ।

यसका साथै, उनले अघिल्लो आर्थिक वर्षभन्दा यो बर्षमा १३७ प्रतिशत बढी राजश्व सँलकनमा भन्सार कार्यालयलाई सहयोग गरेको दाबी गरे । सीमानाकामा कडाई गरेपछि राजश्व लक्ष्यभन्दा बढी उठाउन सफल भएको बताए ।

पँजीयारलाई एसपीबाट एसएसपी (बरिष्ठ प्रहरी उपरीक्षक) मा बढुवा गरिएको छ । उनी धनुषाका स्थायी वासिन्दा हुन् ।