रक्सी खाएका एक वृद्धको भिरबाट खसेर मृत्यू

न्यूज ब्यूरो, सर्लाही । सर्लाहीको बागमती नगरपालिकामा भिरबाट खसेर एक जना वृद्धको मृत्यू भएको छ । मृत्यू हुनेमा रौतहटको चन्द्रपुर नगरपालिका वार्ड नं. १ निवासी ६५ वर्षिय वृद्ध ललित बहादुर वाइवा रहेको प्रहरीले जनाएको छ ।

बिहिवार साँझ साढे ७ बजेको समयमा मादक पदार्थ सेवन गरेर घरतर्फ जाँदै गरेको अवस्थामा सर्लाहीको बागमती नगरपालिका वार्ड नं. ११ स्थित झप्सी भिरबाट ६० फिट तल लडेर गम्भीर घाइते भएका वाइवाको हरिवन स्थित निजी अस्पतालमा उपचारको क्रममा मृत्यु भएको प्रहरीले जनाएको छ ।

उक्त स्थानमा नजिकमा रहेको इलाका प्रहरी कार्यालय लालबन्दीबाट प्रहरी टोली खटी गई सम्पूर्या कानुनी प्रक्रिया पूरा गरी मृतक वृद्धको शवलाई पोस्टमार्टमको लागि जिल्ला अस्पताल मलंगवा पठाईएको जिल्ला प्रहरी कार्यालय सर्लाहीका प्रवक्ता एवं डिएसपी मदन कुवँरले जानकारी दिए ।