लायन्स क्लवको निःशुल्क डायबिटिज परीक्षण

न्यूज ब्यूरो, विराटनगर । निरन्तर सामाजिक क्षेत्रमा काम गर्दै आईरहेको लायन्स क्लव विराटनगरले निःशुल्क स्वास्थ्य शिविर चलाएको छ ।

क्लबले विराटनगरको शान्तिवनमा संचालित योग सिविरमा सहभागी भएका व्यक्तीहरुलाई निःशुल्क मधुमेह तथा स्वास्थ्य परीक्षण कार्यक्रम सम्पन्न गरेको छ ।

लायन्स÷लियो क्लव बिराटनगर मोरङ्ग र लायन्स लियो क्लव गोग्राहको संयुक्त आयोजनामा रक्तचाप परीक्षण लगायत मधुमेह रोगको निशुल्क परीक्षण गरीएको हो ।

जसको लागि लागी प्रविधिक सहयोग मोरङ्ग सहकारी अस्पताल र कोशि हेल्थ ईन्स्टिच्युटले गरेका थिए । निःशुल्क स्वास्थ्य शिविरमा ८० जना महिला तथा पुरुषको परीक्षण गर्दा १२ जनालाई मधुमेहको जोखीम रहेको प्रारम्भिक चरणमा देखीएको बताइएको छ ।

यसै गरी १७ जना लाई उच्च रक्तचाप रहेको देखीएको थियो । प्रारम्भिक जाँच पछि मोरङ्ग सहकारी अस्पतालका डाक्टर हरी खनालले आवश्यक सल्लाह सुझाव समेत दिएका थिए ।

शिविरमाआवश्यक जाँच सहित उच्च रक्तचाप र मधुमेहले मानव शरीरमा के कस्ता असर पुर्याउछ भन्ने विषयमा डाक्टर खनालले सचेतिकरण गराएका थिए ।

लायन्स क्लव ईन्टरनेशनल डिस्ट्रिक ३२५ ए १ का जोन चेयरपर्सन श्री सुर्य नारायण चौधरीले रक्तचाप तथा मधुमेहलाई कसरी रोकथाम र नियन्त्रण गर्न सकिन्छ भन्ने विषयमा पनी प्रकाश पारेको थिए ।

चौधरी लामो समय देखी जनस्वास्थ्यका क्षेत्रमा काम गर्दै आईरहेका जनस्वास्थ्यकर्मी तथा जनस्वास्थ्य विज्ञ हुन । यस कार्यक्रममा लायन्सका रिजन चेयरपर्सन चन्द्रमणि गुरागाई, लायन्स क्लव अफ बिराटनगर मोरङ्गका अध्यक्ष ममता श्रेष्ठले आफ्ना भनाईहरु राखेको थिए । यस कार्यक्रममा स्थानिय लगायत लायन्स तथा लियोका पदाधिकारीहरुको पनी उपस्थिति रहेको थियो ।

वर्तमान विकसित युगमा नसर्ने रोग समुदायमा लुकेर रहेको हुनाले यसको समयमै परीक्षण तथा उपयुतर्m उपचार गरेको खण्डमा हामी स्वस्थ्य रहन सक्छौँ भन्ने भनाई अध्यक्ष श्रेष्ठको रहेको थियो ।

सर्ने रोग सगँसगै नसर्ने रोग पनि उत्तिकौ जोखिममा रहेको हुनाले लायन्स क्लवद्धारा सामाजिक कार्य गर्दै समुदायलाई स्वास्थ्य बनाउनको लागी अग्रसर भुमिका खेलीरहेको छ ।