संसद पुर्नःस्थापना नभएसम्म नेपाली कांग्रेस सडक सडकमा रहन्छ : पूर्व साँसद प्रसैला

न्यूज ब्यूरो, जनकपुरधाम । नेपाली कांग्रेसका नेता एवम् पूर्व साँसद दिनेश प्रसाद प्रसैला यादवले संसद पुर्नस् स्थापित नभएसम्म कांग्रेस संघर्षमा रहने बताएका छन् ।

अहिलेसम्म नेपाली जनता कम्युनिष्ट शासन तानाशाही हुन्छ स्वेच्छाचारी हुन्छ सुनेका मात्रै थिए तर अहिले हाम्रै मुलुकमा आफैंले मत हालेका कम्युनिष्ट तानाशाही र स्वेच्छाचारी भएका देख्न पाएको बताए ।

देशभरि एकैसाथ संसद विघटनको बिरुद्धमा उत्रेका नेपाली पुस १३ गते धनुषा निर्वाचन क्षेत्र २ ले आयोजना गरेको बिरोधसभाको सम्बोधन गर्दै उनले यस्तो बताए हुन् ।

उनले भने,–संविधानमा त्यस्तो कहीकतै उल्लेख भएको छैन की प्रधानमन्त्रीले चाहेको बखत जनताको सार्बभौम थलो विघटन गर्न सक्दैन प्रधानमन्त्रीले सरकार चलाउन सकेनन्भ ।” राजीनामा दिने अधिकार मात्रै रहेको बताए ।

प्रधानमन्त्रीले गरेको हरेक सिफारिसमा राष्ट्रपतिले अँखा बन्द गरेर सदर गर्नुले राष्ट्रपति विद्या भण्डारीले राष्ट्रपति संस्था बदनाम गरेको आरोप लगाए उनले भने राष्ट्रपतिले प्रधानमन्त्रीको लागि रबर स्टम्प भूमिका मात्रै निर्वाह गरेको थपे ।

नेपाली कांग्रेसको नेतृत्वमा जारी भएको संविधानलाई जोगाउन र लोकतान्त्रिक पद्धतिलाई बचाई राख्न नेपाली कांग्रेसको भुमिका अति आवश्यक रहेको त्यसको लागि नेपाली कांग्रेस सडकमा संघर्ष गर्न तयार रहेको बताए ।

सत्तारूढ दलको आपसी घर झगडा कारण हजारौं जनता बलिदानले ल्याएको उपलब्धि गुम्ने खतरा बढेको छ तर नेपाली कांग्रेसले कम्युनिष्टहरुलाई यस्ता खतरनाक खेल खेल्न नदिने चेतावनी समेत दिएका छन ।

प्रधानमन्त्रीको हरेक सिफारिसमा राष्ट्रपतिलाई स्वीकृत गर्नु कर्तव्य रहेको दोहाइ दिएर धमाधम जुनसुकै अध्यादेश र प्रस्ताव सदर गरेको देख्दा त्यो दिनको स्मरण भएको सुनाए ।

उनले नेपाली कांग्रेस नेतृत्वको सरकार शेरबहादुर देउवाले राष्ट्रियसभा ३ जना सदस्यको सिफारिस गर्दा अल्झाएर राकेको थिए त्यतिखेर राष्ट्रपति यस्तो कर्तव्य बिर्सेका थिए की पार्टी नमिलेका थियो ? भन्दै प्रश्न समेत गरेका थिए ।