प्रधानमन्त्री ओली ८ मन्त्री थप्दै, प्रभु साहदेखि चौधरीसम्मको नाम

न्यूज ब्यूरो, जनकपुरधाम । प्रधानमन्त्री केपी शर्मा ओलीले शुक्रबार ८ जना नयाँ मन्त्री थपेर मन्त्रिपरिषद विस्तार गर्ने भएका छन्।

विस्तारित मन्त्रिपरिषदमा पूर्व माओवादी र एमालेतर्फबाट मिलाएर मन्त्री बनाउन लागेको हो। यसअघि साँझ ६ः३० बजे नै मन्त्रिपरिषद विस्तार गरी सपथ ग्रहण गराउने कार्यक्रम भएपनि ढिलाई भएको छ ।

पूर्व माओवादीबाट टोपवहादुर रायमाझी, प्रभु साह, मणि थापा, गौरीशंकर चौधरी र दावा लामा मन्त्री हुँदैछन्।

त्यस्तै पूर्व एमालेबाट प्रेम आले, विमला विक र गणेश ठगुन्ना मन्त्री हुन लागेको वालुवाटार निकट स्रोतले जानकारी दिएको छ।

केही मन्त्रीको कार्यविभाजन भए पनि केहीको बाँकी रहेको स्रोतले जानकारी दिएको छ। नवनियुक्त मन्त्रीहरूको सपथ आजै राष्ट्रपति कार्यालयमा हुनेछ।

जसमा टोपवहादुर रायमाझीलाई उर्जा मन्त्री, प्रभु साहलाई श्रममन्त्री, मणि थापालाई पर्यटन मन्त्री, गौरशंकर चौधरीलाई शिक्षा मन्त्री, दावा लामालाई खानेपानी तथा सरसफाई मन्त्री बनाउने बुझिएको छ ।

यस्तै, अन्य मन्त्रीहरुमा भने विमला विक, प्रेम आले र गणेश ठगुन्ना लगायतको नाम राखिएको बताइएको छ ।