प्रधानमन्त्री ओलीको पुतला जलाइए

न्यूज ब्यूरो, रौतहट । प्रधानमन्त्री केपी शर्मा ओलीले गरेको संसद बिघटनको निर्णयको बिरोधमा रौतहट सदरमुकाम गौरमा सोमवार लगातार दोस्रो दिन पनि प्रदर्शन भएको छ ।

जनता समाजवादी पार्टी निकटका युवा र बिधार्थी संगठनहरूले सयुक्त रुपमा प्रधानमन्त्री केपी शर्मा ओलीको पुत्ला दहन गरेका हुन । गौरको बि पी चोकमा जम्मा भएका बिधार्थी नेताहरूले प्रधानमन्त्री बिरुद्ध चर्का नारावाजी समेत गरेका थिए ।

यस अघि आइतवार पनि नेकपाका प्रचण्ड र माधव पक्षका नेताहरूले बिरोध प्रदर्शन गरेका थिए । बिधार्थी नेताहरू संजय यादव र ओम प्रकाश मधेशियाको नेतृत्वमा रहेका प्रदर्शनकारीहरूले पुत्ला दहन गर्दै आन्दोलनको रुप अझै सशक्त गर्दै लैजाने चेतावनी दिएका छन् ।

पुत्ला दहनपछि बोल्दै नेता ओम प्रकाश मधेशियाले सरकारले निरंकुशता लाद्न खोजेको र यसले संघीय गणतन्त्रनै धरापमा परेको बताएका छन् ।

उनले संबिधान खारेजीको लागि लडेका मधेशीहरूले एक चोटी फेरि संविधानको रक्षार्थ लडनु पर्ने बेला भएको बताउँदै बिस्तारै आन्दोलन बढाउदै जाने बताएका हुन् । पुत्ला दहनपछि सो क्षेत्रको सुरक्षा ब्यबस्था कडा पारिएको थियो।