जिल्ला समन्वय समितिको बैठक सम्पन्न

न्यूज ब्यूरो, बारा । जिल्ला समन्वय समिती बाराको सम्योजनमा हुँदै आएको जिल्ला समन्वय बैठक बाराको बिश्रामपुर गाउपालिकाको कार्यालय प्राङ्गणमा सम्पन्न भएको छ ।

८ औ बैठकको रुपमा आयोजित बैठकमा सहभागी सबैले जिल्लाको बिकासका लागि साझा प्रयास गर्ने र आ आफ्नो पालिकामा राम्रो काम गर्नेमा अझ द्रुत गतिमा कदम चाल्ने बताएका छन् ।

शुक्रबारको उक्त बैठकमा पालिका प्रमुख उप प्रमुखमा आपसी तालमेलको अन्त्य हुनुपर्नेमा सबैले जोड दिएका छन । बैठकमा बढ्दै गरेको चिसो र शितलहरबाट जनतालाई राहत दिन दाउरा बितरण, न्यानो कपडा बितरण,अस्लिल गित र डिजे बन्द गराउने,सार्वजनिक जग्गा बारे प्रक्रिया थाल्ने,सार्वजनिक गाडी दुरुपयोग रोक्ने लगायतकाको बारेमा छलफल भएको थियो ।

जिल्ला समन्वय समिती बारा प्रमुख नवल किशोर सिंहको अध्यक्षतामा भएको बैठकमा सबै स्थानीय तहको प्रमुख,उपप्रमुख,प्रमुख प्रसासकिय अधिकृत, प्रमुख जिल्ला अधिकारी दिपक राज नेपाल, बाराका प्रहरी प्रमुख कृष्ण पगेनी,सशस्त्र प्रहरी उपरीक्षक रबिनराज कर्णजित सहित सुरक्षा निकाय प्रमुख, सहितको सहभागिता रहेको थियो ।

बिश्रामपुर गाउपालिकाको अध्यक्ष अमिरिलाल पालको स्वागतमा भएको कार्यक्रमको सन्चालन निमित जिल्ला समन्वय अधिकारी सुनिल चौरसियाले गरेको बिश्रामपुर गाउपालिकाको प्रमुख प्रसासकिय अधिकृत सुनिल केशरीले जानकारी जनाकारी दिएका छन् ।