दुवै किडनी फेल भएका महरालाई नगर युवा संजालको आर्थिक सहयोग

न्यूज ब्यूरो, जनकपुरधाम । दुवै किडनी फेल भएका धनुषाका एक पीडितलाई नगर युवा सँजाल धनुषाले आर्थिक सहयोग गरेको छ ।

धनुषाको गणेशमा चारनाथ नगरपालिका वडा नं. ८ पोर्ताहा निवासी ३७ वर्षीय सुवोध महरालाई नगर युवा संजालले आर्थिक सहयोग गरेको हो । दुवै किडनी फेल भएका सुबोधको आर्थिक अवस्था अति नै कमजोर रहेको छ ।

साढे तीन वर्षदेखि रोगले ग्रसित महराको भए भरको सम्पति किडनीको उपचारमा लगाए पनि निको हुन सकेको छैन । रोगले थला परेका महराको आर्थिक अवस्था कमजोर भएकोले थप उपचार गराउन आर्थिक सहयोगको लागि अपिल गरेका छन् ।

उनको सानो १ छोरा १ छोरी र पत्नी छन् । पत्नीले कमाएपछि दैनिक गुजारा चलाइरहेका छन् । सुनौलो गोल्डेन युवा क्लव लवटोली उपाध्यक्ष रामबाबु यादव, नव दुर्गा युवा क्लव पोर्ताहाको अध्यक्ष जिवछ पासवान र उर्मिला पासवानको अगुवाइमा सहयोग गरिएको हो ।

जिवछ पासवानले गाउँमा चँदा उठाएर केही रकम दिएपछि महरा अहिले प्रादेशिक अस्पताल जनकपुरमा डाइलोशिश गराइ रहेका छन् । जिवछ पासवानले नै गणेशमान चारनाथ नगरपालिका स्तरीय नगर युवा संजालमा किडनी पिडित सुवोधलाई केही आर्थिक सहयोग गर्नु पर्ने प्रस्ताव गरेका थिए ।

सो प्रस्तावलाई संजालले अनुमोदन गर्दै नगर युवा संजालका पदाधिकारी तथा सदस्यहरुको सहयोगमा १४ हजार १ सय ६० मात्र पिडित सुबोध महरालाई संजालका अध्यक्ष रमेशलाल यादव सहितको पदाधिकारीले सो रकम हस्तान्तरण गरेका हुन ।

गरिव विपन्न नागरिकले राज्यबाट पाउने सहयोग अन्र्तगत केही आर्थिक सहयोग स्थानीय सरकारले गर्नु पर्ने संजालका सल्लाहकार तथा अनुशासन समितिका संयोजक रामप्रमेश मण्डलले बताए ।