अब सिरहामा ड्रगिस्ट र ड्रग्स व्यापारी देख्ने वित्तिकै सिटी बजाइने

न्यूज ब्यूरो, सिरहा । प्रदेश नम्बर २ को सिरहामा अबदेखि लागुऔषध सेवनकर्ता (ड्रगिस्ट) वा कारोवारीलाई देखेर सिटी बजाउने भएको छ ।

बुधबार लागु औषध दुरव्र्यसन एवम् लैँगिक हिँसा विरुद्धको १६ दिने अभियानको समापन गर्दै निगरानी समूह समेत गठन गरिएको हो । गठन गरिएको निगरानी समूहले त्यस्ता शंकास्पद व्यक्तिलाई देख्ने वित्तिकै सिटी बजाउने भएको छ ।

न्यूज ब्यूरोसँग संक्षिप्त कुराकानी गर्दै सिरहाका प्रमुख जिल्ला अधिकारी (सिडिओ) प्रदीपराज कणेलले लागु औषध सेवनकर्ता वा कारोवारीलाई देख्ने बित्तिकै निगरानी समूहका सदस्यहरुले सिटी बजाउने छ । सिटी बजाएपछि त्यहाँ भीड जम्मा हुने र प्रहरी आईपुग्ने उनले बताए ।

सिरहाको माडर नजिक लचका नाकामा निगरानी समूहले सिटी बजाउने छ भने नजिकैको सुरक्षाकर्मीलाई अब त्यसलाई नियमन गर्ने सिडिओ कणेलले बताए ।

सो कार्यक्रममा सफाई अभियानी धीरेन्द्र कुमार, जिल्ला प्रहरी सिरहाका प्रतिनीधि, विभिन्न सँघसँस्था, स्थानीयवासी, व्यापारी, युवा, महिलाहरुको सहभागीता रहेको थियो ।