महिला प्रेमी समुदाय बनाइए हिंसा रोकिन्छ : उपमेयर भुजेल

न्यूज ब्यूरो, जनकपुरधाम । धनुषाको धनुषाधाम नगरपालिकाकी उपमेयर विद्यादेवी भूजेलले समाजलाई महिलाप्रेमी बनाएपछि महिला हिँसा रोकिने सम्भावना प्रबल रहेको बताएकी छिन् ।

लैङ्गिक हिंसा रहित समाजु भन्ने नाराका साथ एक दिने कार्यक्रममा बोल्दै उपमेयर भुजेलले महिला पुरुष एक आपसमा समान भावना र सोचले सम्मान गर्दा समुदायमा हिंसा रोकिने बताइन् ।

हिँसामा परेका महिलालाई नजिकैको प्रहरी, राष्ट्रिय महिला आयोग वा मानव अधिकार संस्थाहरूमा उजुरी दिएर न्याय प्राप्तिको लागि आवश्यक सहयोग समेत माग्न सकिने बताउँदै उनले न्यायिक समितिको गठन पश्चात महिला हिँसाका घटनामा न्यूनिकरण आइरहेको बताइन् ।

लैङ्गिक हिंसा शुन्यताका लागि र यसको अन्त्यका लागि एक हुनु पर्ने गाउँकी महिलाहरुले आवाज उठाइन् । उनीहरुले अहिले पनि पुरुषप्रधान समाजलाई च्यापेर बसेको भन्दै त्यो सोंचलाई परास्त गर्दै महिला पुरुषको समान हकको बारेमा चर्चाको आवश्यकता औल्याए ।

प्रत्येक वर्ष नोभेम्बर २५ देखि डिसेम्बर १० सम्म लैङ्गिक हिंसाविरुद्धको १६ दिने अभियान सञ्चालन गर्ने गरिएको छ ।