रहीम युथ सोसाईटीद्वारा खातुनलाई १ लाख ४१ हजार सहयोग

न्यूज ब्यूरो, जनकपुरधाम । रहीम युथ सोसाइटी जनकपुरले एक बालिकालाई आर्थिक सहयोग गरेको छ ।

जनकपुरधाम उपमहनगरपालिका–१३ बस्ने फरमान अन्सारीको केहि दिन अघि मृगौलामा समस्याका मृत्यु भएपछि मृतककी छोरी आफरिन खातुनलाई रहिम युथ सोसाईटी नेपाल– कत्तारले आर्थिक सहयोग गरेको हो । आफरिनको उज्वल भविश्य तथा शिक्षा दिक्षामा सहयोग पुगोस भन्ने उद्देश्यका साथ सोसाइटीका जनकपुर अध्यक्ष ईद मोहम्मद जानी खानले बताए ।

अन्सारीको मृगौलामा समस्या भएपछि उपचारका लागि सोसाईटीले केहि पैसा सहयोग गर्ने व्यवस्था गरेको थियो । तर अन्सारीको उपचारकै क्रममा मृत्यु भएकोपछि सोसाईटीले जम्मा गरेका पैसामा केहि पैसा थप गरि मृतकका छोरीलाई १ लाख ४१ हजार रुपैयाँ सहयोग गरेको छ । शनिवार सोसाईटीले पत्रकार सम्मेलन गरि मृतक अन्सारीकी छोरी खातुनलाई उक्त रकम बराबरको चेक चेक हस्तान्तरण गरेका छ ।

आउने दिनमा पनि गरिब तथा विपन्नहरुलाई सहयोग गर्ने हाम्रो लक्ष्य रहेको खानले बताए । उनले भने ‘हामी जात धर्म नदेखेर अति आवश्यक रहेको जो कोही धर्म वा जातका व्यक्तिलाई सहयोग गर्न तत्पर छौँ । आफरिनको शिक्षाका लागि समेत हाम्रो संस्थाले पहल गर्ने उनको भनाई थियो ।

पत्रकार सम्मेलनमा सोसाईटीका उपाध्यक्ष नौसाद खाँले अगामी दिनमा संस्थाले अन्य समाजिक कार्यहरुको सहभागि हुने बताए । कम समयमै संस्थाले विभिन्न समाजिक कार्यहरुमा सक्रियता देखाएको उनले बताए ।

वैदेशिक रोजगारका क्रममा दोहा कत्तारमा रहेका जनकपुरसहित यस क्षेत्रका मुस्लिम युवाहरुले कत्तारमा पनि रहिम युथ सोसाईटीका नामले संगठन खोलेका छन् । विदेशी भुमिमा बसेरपनि उनीहरुले आफ्नो देश समाजका विपन्न वर्गलाई सहयोग पुर्याउने उदेश्यले विभिन्न समाजिक कार्यमा आर्थिक सहयोग गर्दै आएको छ ।