'मप्रति लगाएको कुटपिटको आरोप निराधार' : मेयर पँजीयार

न्यूज ब्यूरो, जनकपुरधाम । धनुषाको महेन्द्रनगरमा भएको कुटपिट घटनामा नाम जोडेर लगाएको आरोप निराधार रहेको क्षीरेश्वरनाथ नगरपालिकाका मेयर योगेन्द्र पजियारले बताएका छन् ।

दुई ठेकेदारबीच बुधबार साँझ नगरपालिकाको वडा नम्बर ५ स्थित महेन्द्रनगरमा भएको झडपसँग मेरो नाम जोड्नु विपक्षीहरुको षडयन्त्र रहेको बताएका छन् ।

उनले ठेकेदारहरुको दुई समूह बीच झगडा भएको थाहा पाएको बताउँदै पहिलेनै ठेकेदार अनिल चौधरीका भाईले मंगलवार राति नगरपालिकाका बालुवा गिट्टीका कर संकलन गर्न ठेक्का लिएको ठेकेदार प्रतिनिधिसँग जाँड खाएर संकलन केन्द्रमै झगडा गरेको देखिन्छ । बुधवार साँझ पनि ठेकेदारको प्रतिनिधिहरुलाई सडक मै आक्रमण गर्न खोज्दा दुईतर्फी झगडा भएको बुझिएका छ सो कुरा सिसिटिभी फुटेजमा समेत देखिएको बताए ।

“सिसिटिभी फुटेज पनि हेर्दा चौधरी सहितका समुहले नै झगडा गरेको देखिन्छ । मेयर पजियारले भने, ठेकेदार अनिल चौधरी पनि मेरै नगरपालिका नगरबासी हुन् र ठेक्का लिने ठेकेदारको प्रतिनिधि पनि मेरै नगरपालिकाका नगरबासी हुन् अनि म कसरी कोही उपर आक्रमण गर्ने निर्देश गछु त ? म त मेयर भएको हैसियत यो नगर शान्ति सु व्यवस्था कायम गर्न जहिले पनि तत्पर रहन्छु । र त्यसका उदाहरण पछिल्ला दिनहरु पनि छन् ।”– उनले भने ।

उनले दुबै तर्फका ठेकेदारहरु ठेक्का पट्टाको कुरामा एक आपसमा बिवाद गर्दै आएको र सोही बिवादले बेला बेलामा झडपको रुप पनि लिँदै आएको र बुधवारको घटना अलिक उग्र रुप लिएको जुन चाँही दुःखद रहेको बताए ।

यसअघि दशैंको बेलामा पनि रातिको समयमा मदिरा सेवन गरेर उनीहरुकै समुहले कर संकलन केन्द्रमा आक्रमण गरी लुटपाटको पनि प्रयास गर्ने क्रममा झडप भएको घटना सार्वजनिक भएको थियो ।

यता, झडपमा संलग्न रहेको क्षीरेश्वरनाथ नगरपालिका ५ का सितेश कुमार झा भन्छन्–“हामी बाटोमा हिँडिरहेका थियौं र उनीहरुले हामी सहित हाम्रा साथीहरु उपर आक्रमणको प्रयास गर्दा सम्झाउन खोज्दा मलाई पनि चोटपटक लागेको छ । उल्टै उनीहरुले आक्रमण गरेको र लुटपाट गरेको आरोप सरासर गलत रहेको पिडित झाको भनाईछ।

झाले भने आफूहरु एक ठाउँको मान्छे बाटो हिडिँरहदा आक्रमण गर्ने र पछि उल्टै लुटपाटको पनि आरोप लगाउँने हो भने कुनै बेला हामी पनि त्यस्ता आरोप लगाउन पछि नहट्ने जिकिर गरे ।