आधुनिक शिक्षामा उन्नतीको लागि धनुषाधामका विद्यालयहरुमा कम्प्यूटर

न्यूज ब्यूरो, जनकपुरधाम । धनुषाधाम नगरपालिका भरिका सामुदायिक बिधालयमा आधुनिक शिक्षाका लागि कम्पुटर बितरण गरिएको छ ।

आधुनिक समय अनुसार प्राबिधिक शिक्षा लागि नगरभरी बिधालयमा माध्यमिक बिधालयलाई ११ वटाको दरले सबै बिधालयमा १०० थान कम्प्यूटर वितरण गरिएको धनुषाधाम नगरपालिकाका प्रमुख प्रशासकीय अधिकृत गणेशराज कार्कीले बताए ।

नगरमा शिक्षा क्षेत्रमा झन मजबुत हुने बिद्यार्थीलाई आधुनिक क्षेत्रमा मजबुत हुने बिशावासका साथ कम्प्यूटर वितरण गरिएको हो ।

प्राविधिक शिक्षाको अभावमा गाउँस्तरका विद्यार्थीहरुले प्रविधिमा पहुँच बनाउन नसकेर विभिन्न अवसरबाट बँचित भएको अवस्थामा कम्प्यूटर वितरणपछि ग्रामिण भेकका छात्रछात्राहरुले पनि कम्प्यूटर शिक्षा पाउने भएको छ ।

यसअघि नीजि विद्यालयका विद्यार्थीहरु मात्र विद्यालय स्तरमा कम्प्यूटर पढदै आएकोमा अब समुदायिक (सरकारी) विद्यालयका विद्यार्थीहरुले पनि प्राविधिक शिक्षा पाउने अधिकारबाट बँचित नहुने भएको छ ।