होटल व्यावसायबाट प्रदेशको पर्यटन र अर्थतन्त्रमा टेवा पुग्ने : मन्त्री सोनल

न्यूज ब्यूरो, रौतहट । प्रदेश नं. २ का भौतिक पूर्वाधार विकासमन्त्री जितेन्द्र सोनलले कलैयामा नवनिर्मित होटेल करण राज प्यालेसको उद्घाटन गरेका छन् ।

कलैया उपमहानगरपालिका वडा नम्बर ४ मा अवस्थित होटलको मन्त्री सोनलले रिबन काटेर उद्घाटन गरेका हुन् । उद्घाटन कार्यक्रममा बोल्दै मन्त्री सोनलले होटलले जिल्लामा मात्र नभएर प्रदेशको पर्यटन व्यवसायमा टेवा पुर्‍याउने विश्वास व्यक्त गरे ।

मन्त्री सोनलले नयाँ पूर्वाधार विकास र रोजगारी सृजना गर्ने व्यवसायलाई प्रदेश सरकारले आवश्यक पर्ने हर सम्भव सहयोग गर्ने प्रतिबद्धता समेत व्यक्त गरेका थिए ।

होटल सञ्चालनमा आएपछि बारा जिल्लाको सदरमुकाम कलैयामा स्तरीय होटलको आवश्यकता पूर्ति भएको उनको भनाई थियो ।

बारा ऐतिहासिक र पर्यटकीय महत्वको स्थान भएपनि सदरमुकाम कलैयामा सुविधा सम्पन्न स्तरीय होटल नहुँदा यस क्षेत्रको पर्यटन पर्वद्धन हुनसकेको थिएन । कलैयामा पछिल्लो दुई वर्षमा करोडौँको लगानीमा दुई होटल सञ्चालनमा आएका छन् ।

उद्घाटन भएको होटलमा स्वीट, डिलक्स र स्ट्यान्डर्ड गरी २० वटा कोठा, ४ ओटा हललगायतको सुविधा रहेको होटेलका प्रबन्धक धनिलाल सरार्फले बताए ।

उद्घाटन कार्यक्रममा कार्यक्रममा प्रदेशसभा सदस्य पारस साह, जिल्ला समन्वय समिती बाराका प्रमुख नवल किशोर सिंह, सम्बिधासभा सदस्य प्रमोद गुप्ता, मन्त्री सोनलको स्वकिय सचिव सन्तोष यादब, बाराका प्रमुख जिल्ला अधिकारी दिपक राज नेपाल, प्रहरी उपरीक्षक कृष्ण पंगेनी, सशस्त्र प्रहरी उपरीक्षक रबिनराज कर्णजित, महिला नेतृ पिंकी यादवलगायतकाको उपस्थिति रहेको थियो