जसपा र काँग्रेसको समय गयो :पूर्वमन्त्री महासेठ

न्यूज ब्यूरो, जनकपुरधाम । पूर्वमन्त्री एवम् नेकपा स्थायी कमिटि सदस्य रघुवीर महासेठले धनुषामा जनता समाजवादी पार्टी र काँग्रेसको समय बित्न लागेको जिकिर गरेका छन् ।

धनुषाको लक्ष्मीनियाँ गाउँपालिकामा आयोजित शुभकामना आदान प्रदान पार्टी प्रवेश कार्यक्रममा पूर्वमन्त्री महासेठले जसपाले मधेशी जनताको भावनासँग खेलवाड गरेको भन्दै जनताले नपत्याउने जिकिर गरे ।

सो क्रममा जसपा र नेपाली काँग्रेस पार्टी परित्याग गरि सयौंैको सँख्यामा कार्यकर्ताहरु नेकपामा प्रवेश गरेका हुन् । नेकपामा भोला यादवको अध्यक्षता तथा महासेठको प्रमुख आतिथ्यमा भएको पार्टी प्रवेश कार्यक्रममा पूर्वमन्त्री महासेठले नव प्रवेशीहरुलाई फूलमाला लगाएर स्वागत गरेका थिए ।

नेकपा प्रदेश कमिटी सदस्य धनुषा जिल्ला अध्यक्ष राजकिशोर यादव बिशिस्ट आतिथ्य लगायत नेकपाका विभिन्न तहका अगुवा नेता कार्यकर्ता र सयौं स्थानीय जनसमुदायको बीचमा अबिर र माला लगाएर नेकपामा प्रबेश गराए ।

सोही क्रममा मिथिला बिहारी नगरपालिकाद्वारा आयोजित रास्ट्रपति रनिङ शिल्ड कराते प्रतियोगितालाई पनि महासेठले उदघाटन गरे । धनुषाको मिथिला बिहारी नगरपालिका वडा नम्बर ८ मा आयोजित सो प्रतियोगितामा विभिन्न ठाउँबाट खेलाडीहरु भाग लिएका छन् ।

वडा नम्बर ८ का वडाध्यक्ष जीवछ यादवको अध्यक्षतामा उदघाटन गरिएको कराते प्रतियोगिताको उदघाटनमा मिथिला बिहारी नगरपालिकाका नगर प्रमुख अनिल कुमार यादव र जिल्ला अध्यक्ष राजकिशोर यादवको बिशिस्ट आतिथ्य , प्रमुख प्रशासकिय अधिकृत बिरेन्द्रलाल कर्णको आतिथ्य ,पार्टीका विभिन्न नेता कार्यकर्ता खेलाडी तथा दर्शको हरुको उपस्तिथिमा उद्घाटन गरिएको हो ।