धनुषा: कोरोना पोजिटिभ एक वडाध्यक्षको मृत्यू

न्यूज ब्यूरो, जनकपुरधाम । धनुषामा कोरोना पोजिटिभ रहेका एक वडाध्यक्षको मृत्यू भएको छ । धनुषाको धनुषाधाम नगरपालिका वडा नं. ६ का वडाध्यक्ष बन्दे बहादुर मोक्तानको उपचारको क्रममा मृत्यू भएको हो ।

अचानक स्वास्थ्य अवस्था बिग्रेपछि उनलाई उपचारको लागि जनकपुरको प्रादेशिक अस्पतालमा लगिएको थियो । गत सोमबार उनको स्वाब परीक्षण गर्दा कोरोना पोजिटिभ देखिएको थियो ।

नगर प्रमुख बालेश्वर मण्डलका अनुसार, बुधबार आफू भेट गर्न जाँदा चिकित्सकले भेटघाट गर्न नदिएको तथा उनलाई अन्य कुनै विरामी समेत नभएको जानकारी दिए । मेयर मण्डलले वडाध्यक्ष मोक्तानको मृत्यू भएको जानकारी दिएका छन् ।

अन्दाजी ७६ बर्षिय वडाध्यक्ष मोक्तान वडा नम्बर ६ बाट तत्कालिन एमालेबाट निर्वाचित भएका थिए ।