धनुषाको कमला नपामा 'कमला युवा सँजाल' गठन

न्यूज ब्यूरो, जनकपुरधाम । पूर्वी धनुषाको कमला नगरपालिकालाई कार्यक्षेत्र बनाएर कमला युवा सँजाल गठन गरिएको छ ।

आईतबार कमला नगरपालिकाको वडा नं. ४ सघारा टोल स्थित बसेको युवाहरुको एक समूहको बैठकले सो सँजाल गठन गरेको हो । बैठकबाट १३ सदस्यीय समिति हुने गरी गठन गरिएको हो ।

बिमलेश यादवको अध्यक्षता रहने गरी गठन गरिएको युवा सँजालको उपाध्यक्षमा मनोज मोरबैतालाई चयन गरिएको छ । यस्तै कोषाध्यक्षमा ईसराफिल अन्सारी, महासचिवमा चन्द्रदीप कुमार यादव, सचिवमा विवेक मोरबैतालाई चयन गरिएको छ ।

सँजालको सहसचिवमा श्रीनारायण मुखियालाई चयन गरिएको अध्यक्ष विमलेश यादवले जानकारी दिए ।

सँजालको सदस्यहरुमा जागेश कामत ,ओम शंकर शर्मा ,संजित कुमार यादव,रबिन्द्र यादव ,ओमेन्द्र कुमार यादव ,रोशन मण्डल र लक्ष्मी साह रहेको अध्यक्ष यादवले बताए ।

नगरपालिकाभित्र हुने अपराधिक गतिविधि, कुरिति, कुसँस्कार, हिँसात्मक गतिविधि, दमन, शोषण, भ्रष्टाचार, अन्यायको विरोधमा आवाज बुलँन्द गर्ने उदेश्यले सो सँजालको गठन गरिएको बताईएको छ ।

यसअघिदेखि नै कमला युवा सँजालका पदाधिकारीहरुले समाजिक कार्यहरुमा निरन्तर अग्रसरता दिँदै आएका छन् ।