नगर सफाराख्न हरेक नगरवासीले सहयोग गर्नुपर्छ : मेयर मण्डल

न्यूज ब्यूरो, जनकपुरधाम । धनुषाको धनुषाधाम नगरपालिका मेयर बालेश्वर मण्डलले चार्ड पर्वको अवसर पारेर किसानपुरमा बृहत सरसफाई कार्यक्रममा नगर सफा र सुन्दर बनाउन प्रत्येक नागरिकले सहयोग गर्नुपर्ने बताएका छन् ।

धनुषाधाम नगरपालिका वडा नम्बर ७ किसानपुरमा समाज कल्याण युवा क्लब अगुवाईमा बृहत सरसफाइ गरिएको हो । सो कार्यक्रममा नगर प्रमुख मण्डलको प्रमुख अतिथी एवं स्थानीय युवाको ब्यापक सहभागीमा कार्यक्रम गरिएको हो ।

“नगरमा सफा र सुन्दर राख्न लागि हरेक समय हामी लागि परेका छौ ,समय समयमा फोहर राख्ने डस्टबीन नगरपालिकाबाट हामी बितरण गर्दै आएका छौ ,आवश्यकता बमोजिम हामी अहिले पनि बितरण गर्दै आएका छौ । नगर बाट फोहर उठाउने गाडी समेत परिचालन गरिएको छ ।”– मेयर मण्डलले भने ।

बजार एरियामा बिशेष सरसफाइ गरि ब्यबस्थित बनाउनु पर्ने प्रती जोड दिदै यो कार्यक्रम गरिएको युवा नेता मनोज यादवले बताए ।