जसपाको गढमा 'जनमत पार्टी' को लहर

न्यूज ब्यूरो, बारा । प्रदेश नम्बर २ को बारामा डा. सिके राउत नेतृत्वको जनमत पार्टीको लहर देखिए । जनता समाजवादी पार्टीको बर्चश्व मानिएको गढमा जनमत पार्टीमा प्रवेश गर्नेहरुको विहिबार लहर देखिए ।

जनता समाजवादी पार्टी सहित अन्य पार्टी परित्याग गरी जनमत पार्टीमा नेता कार्यकर्ताहरु प्रवेश गरेका छन् । मधेशमा स्वच्छ राजनीतिको छवी बनाएको जनमत पार्टी युवा वर्गमा चर्चा पाएलगत्तै विभिन्न पार्टी परित्याग गरी जनमतमा प्रवेश गरेका छन् ।

बारा जिल्लाको कलैयामा आयोजित पार्टी प्रवेश कार्यक्रममा तत्कालीन राजपाका केन्द्रीय सदस्य राम बाबु साह सहित सयौं नेता कार्यकर्ता जनमत पार्टीमा प्रवेश गरेका छन्।

सोही कार्यक्रममा तत्कालीन माओवादी पार्टीका उप मेयर प्रत्याशी रमभा देवी साह सहित दर्जनौ नेता कार्यकर्ता पार्टी प्रवेश गरेका छन्।

सोही कार्यक्रममा नेपाली कोंग्रेस तथा जसपाका वार्ड र पालिका स्तरका दर्जनौ नेता तथा कार्यकर्ताहरु जनमत पार्टीमा प्रवेश गरेका छन।

त्यसै गरी माछा–मासु व्यावसायी संघका अध्यक्ष भोला अंसारी, सिलाई संघका अध्यक्ष रहम मनसुर, राष्ट्रिय वाणिज बैंकका सहायक ब्यावस्थापक कैलाश ठाकुर र प्राध्यापक हरि प्रसाद पटेल सहितका राजनीतिक, गैर(राजनितीक ब्यक्तित्वहरु जनमत पार्टीमा प्रवेश गरेका छन्।

कार्यक्रमको प्रमुख अतिथि जनमत पार्टीका संस्थापक सदस्य अब्दुल खानं, कार्यक्रमका सभापति जिल्ला ईन्चार्ज सुरेश साह,विशेष अतिथि ओमप्रकाश साह सहित जिल्लाको प्रमुख नेताहरुको उपस्थिति थियो।

जनमत पार्टीको व्यापक पार्टी प्रवेश कार्यक्रम आगामी दिनमा जारी रहने जनाईएको छ।