पार्टीमा चान्स नपाएर पार्टी फोर्नेहरुको पहिचान हुँदैछ : पूर्वमन्त्री महासेठ

न्यूज ब्यूरो, जनकपुरधाम । नेपाल कम्यूनिष्ट पार्टी (नेकपा) का स्थायी कमिटि सदस्य एवम् पूर्व मन्त्री रघुवीर महासेठले पार्टी भित्र चलेको द्धन्द्धलाई पार्टी भित्रकै नेताहरुले चर्काएको आरोप लगाएका छन् ।

नेकपाको मिथिला नगरपालिका नगर कमिटीद्वारा धनुषाको मिथिला नगरपालिकामा आयोजना गरिएको शुभकामना आदान प्रदान कार्यक्रममा नेता महासेठले पार्टीमा चान्स नपाएर पार्टी फेर्न माहिर बनेको आरोप लगाए ।

नेकपा केन्द्रिय सदस्य तथा धनुषाको मिथिला नगरपालिकाका मेयर हरि नारायण महतो अध्यक्षता तथा नेता महासेठको प्रमुख आतिथ्यमा भएको दशैं, दिपावली तथा छठ पर्वको शुभकामना आदान प्रदान कार्यक्रममा बोल्दै नेता महासेठले पार्टीभित्रै द्धन्द्ध चर्काउन खोज्ने तत्वहरुको पहिचान भइरहेको दाबी गरे ।

कार्यक्रमलाई सम्बोधन गर्दै महासेठले पार्टीमा पद र लोभ प्राप्ति नभएको नेताहरु पार्टी फोर्न र पार्टी फेर्न माहिर रहेको बताए । उनले भने, –“तर त्यसताहरुलाई नेकपाका कार्यकर्ता र जनताले राम्रो सँग चिनिसकेको छ । समय आएपछि जबाफ दिएको छ र फेरि पनि दिन्छ ।”

उनले एक अर्को प्रसँगमा बोल्दै चुनावको बेला आफू क्षेत्रवासीसँग गरेको वाचा विस्तारै पूरा गर्ने प्रतिवद्धता जाहेर गरे । नगरकी उपमेयर तारा बस्नेत लामाले नेता महासेठ सहित उपस्थित सबै अतिथिलाई स्वागत गरेकी थिईन् ।

कार्यक्रममा नेकपा केन्द्रिय सदस्य धनुषा जिल्ला इन्चार्ज स्रवन बरबरिया र प्रदेश सभा सदस्य रामचन्द्र मण्डलको बिशिस्ट आतिथ्य , प्रदेश कमिटी सदस्य मनोज खडका , भूपू जिल्ला सभापति रामचरित्र साह , उधोग बाणिज्य प्रदेश नं. २ को अध्यक्ष शिव शँकर साह हिरा , जिल्ला अध्यक्ष राजकिशोर यादव , मिथिला बिहारी नगरपालिकाका मेयर अनिल कुमार यादव , बटेश्वर गाउँपालिका अध्यक्ष डम्बर बहादुर राई लगायत नेकपाका नेताहरुको उपस्थिति रहेको थियो ।

#Raghuvir_Mahaseth #Mithila_nagarpalika #Dashain