जनकपुरः मोटरसाईकलले ठोक्दा एक जनाको घटनास्थलमै मृत्यू !

न्यूज ब्यूरो, जनकपुरधाम । जनकपुरमा मोटरसाईकलले ठक्कर दिँदा एक जनाको घटनास्थलमै मृत्यू भएको छ ।

सोमबार जनकपुर–ढल्केवर सडक खण्ड अन्तर्गत धनुषाको क्षीरेश्वरनाथ नगरपालिका वडा नं. ४ हरैया स्थित मोटरसाइकलले ठक्कर दिँदा घटनास्थलमै मृत्यू भएको जिल्ला प्रहरी कार्यालय धनुषाले जनाएको छ ।

मृत्यू हुनेमा जनकपुरधाम उपमहानगरपालिका वडा नं. ४ मुरलीचोक बस्ने वर्ष ५० को महेन्द्र यादव रहेको प्रहरीले जनाएको छ । मृतक यादव बा ३३ प २४१० नम्बरको सुपर स्पेल्न्डर मोटरसाइकल लिएर जनकपुरतर्फ आईरहेको बेला पछाडिबाट प्रदेश ०२ –०२–००२ प १८०८ नम्बरको मोटरसाईकलले ठक्कर दिएपछि घटना भएको हो ।

ठक्कर दिने मोटर साईकल चालक धनुषाधाम नगरपालिका वडा नं. ५ बस्ने वर्ष ३० को अरुण मण्डल रहेको ईलाका प्रहरी कार्यलय महेन्द्रनगरले जनाएको छ ।

मोटर साईकल चालक मण्डल समेत घाईते भएको छ भने उनको उपचारको लागी जनकपुर प्रादेशिक अस्पताल ल्याइएको छ ।