कोरोनाले बालबालिकामा पारेको असरबारे 'यान' ले थाले अन्तरक्रिया

न्यूज ब्यूरो, जनकपुरधाम । युवाहरुको एक सँगठन युथ एसोसिएसन अफ नेपाल ( यान) ले विपद्को बेला बालबालिकामा परेको असरबारे खोजबिन गर्न अन्तरक्रिया अभियान थालेका छन् ।

कोभिड–१९ मा बाल संरक्षण पूर्व तैयारी तथा अन्तरक्रिया कार्यक्रमको सुरुवात गरेका छन। महोत्तरी युवा संजाल र ग्रामीण बिकास केन्द्रको सहकार्यमा बुधबार देखी यानले उक्त कार्यक्रम सुरु गरेका छन।

बुधबार पहिलो दिन जनकपुरधाम उपमहानगरपालिका वडा नं. बाल्मिकिनगर स्थित चिल्ड्रेन होलि प्लेस हाइ स्कुलका बालबालिकासँग प्रत्यक्ष अन्तरक्रिया गरेका छन् । “बिश्व कोभिड–१९ को चपेटामा परेकोले यसले बालबालिका माथी हुन गएको असर, बालबालिकाको समस्या खोज्नुका साथै यसबाट बच्ने उपायहरू बालबालिका समक्ष राख्ने यस कार्यक्रमको मुख्य उद्देश्य रहेकोू यान सदस्य रवि शंकर (सिवा) सिंहले जानकारी गराए।

त्यस्तै यानका सदस्य आदित्य उपाध्यायले बालबालिकाहरु माथीको समस्या बुझी, उनीहरुलाई सक्दो मद्दत गर्ने प्रयास जारी राख्ने जनाए ।

कार्यक्रममा बालविवाह, बालश्रम, बाल बिर्ज्याई, लैँगिक हिंसा, बालबालिका बेचबिखन, धूम्रपान तथा लागू औसत, बलात्कार लगायतका शिर्षकहरुमा चर्चा भएको थियो।

कार्यक्रममा यानका अध्यक्ष राहुलराज यादव, विद्यालयका हेडमास्टर देवनाथ पाण्डे, यान सदस्य आदित्य उपाध्याय, ध्रुब यादव, धिरेन्द्र यादव, सिवा सिंह, प्रमोद मण्डल, सक्रिय युवा आसुतोस झा, विद्यालयको शिक्षक, शिक्षिका लगायतको सहभागी रहेको थियो।