विकास पूर्वाधारलाई नेता प्रभू साहको अनुगमन

न्यूज ब्यूरो, रौतहट । रौतहट जिल्लाको मौलापुर नगरपालिकामा विभिन्न विकासका पुर्वाधारहरुको अनुगमन गरिएको छ ।

मौलापुर नगर क्षेत्रमा शहरी विकासका पुर्वाधार , बजार पुर्वाधार , बसपार्क , सडक लगायत विभिन्न निर्माण कार्यहरुको रौतहट क्षेत्र नम्बर ३ का सांसद तथा पुर्व मन्त्रि माननीय प्रभु शाहले मंगलबार अनुगमन गरेका हुन ।

अनुगमनको क्रममा काममा सुस्त भएका र गुणस्तरहित कार्य गरेका निर्माण कम्पनि तथा ठेकेदारलाई सचेत समेत गराएका छन् । मौलापुर नगरपालिकामा शहरी विकासका कामहरुले गति लिन थालेको छ ।

अब्यबस्थित बजारहरु ब्यबस्थापन उन्मुख भएका छन । बसपार्क ब्यवस्थित तथा सडकहरु कालोपत्रे र पक्कि हुने क्रम बढ्दै गएको छ । मौलापुर नगरपालिकामा विकासका पुर्वाधारहरु निर्माणले तिब्रता पाएको अनुगमनको क्रममा देखिएको सहभागीहरुले बताएका छन ।