धनुषामा दर्जनौ कार्यकर्ता नेकपामा प्रवेश

न्यूज ब्यूरो, जनकपुरधाम । धनुषामा दर्जनौं कार्यकर्ता अन्य पार्टी परित्याग गरि नेपाल कम्यूनिष्ट पार्टी (नेकपा) मा प्रवेश गरेका छन् ।

धनुषा जिल्लाको निर्वाचन क्षेत्र नं. १ को गणेशमान चारनाथ नगरपालिकाको पथराही टोल र राधापुर टोल गरी १ सय ५० जना कार्यकर्ताहरु नेकपामा प्रवेश गरेको हो । सो क्रममा नेपाली काँग्रेस, राप्रपा पार्टी परित्याग गरी नेकपामा प्रवेश गरेको हो ।

पार्टी प्रवेश कार्यक्रमको आयोजना गरी पूर्व मन्त्री एवम् धनुषा निर्वाचन क्षेत्र नं. १ का प्रतिनीधि सभा सदस्य मातृका प्रसाद यादवले स्वागत गरेका थिए । शनिबार आयोजना गरिएको सो कार्यक्रममा नव प्रबेशीहरुलाई नेकपा को स्थायी समिति सदस्य, केन्द्रिय सदस्य तथा प्रतिनिधि सभा सदस्य समेत रहेकी बोधमया यादव र पूर्वमन्त्री यादवले सँयुत्तः रुपमा फूलमाला र अबिर लगाउँदै पार्टीमा प्रवेश गराएका हुन् ।

पार्टी प्रवेश कार्यक्रममा पार्टीका केन्द्रीय सदस्य तथा प्रदेश संसद सत्रुधन महतो, केन्द्रिय सदस्य सुधीर साह, प्रदेश संसद किशोरि साह, जिल्ला सचिब दीपक यादव, प्रदेश सदस्य चनरदेब राउत, श्याम यादव, युबा संघ जिल्ला अधयक्ष सरोज यादव जिल्ला सदस्य महेश यादव, पुरुषोत्तम लामा, कैलाश मल्ल, उपमेयर मिना यादव र वार्ड अध्यक्षहरुले समेत नव प्रवेशीहरुलाई स्वागत गरेका थिए ।