CTEVT ले ग्रेडको आधारमा भर्ना लिए आन्दोलन हुन्छ : नेविसँघ

न्यूज ब्यूरो, जनकपुरधाम । नेपाली काँग्रेस निकट भातृ एवम् विद्यार्थी सँगठन नेपाल विद्यार्थी सँघले एसएलसी/एईई ग्रेडको आधारमा भर्ना लिएर आन्दोलनको चेतावनी दिएका छन् ।

प्राबिधिक शिक्षा तथा व्यावसायिक तालिम परिषद अन्तर्गत पुर्ण शुल्कीय तथा प्रमाणपत्र तह र प्री–डिप्लोमा तहमा शैक्षिकसत्र २०७७ सालको लागि बिद्यार्थीहरुको भर्ना प्रबेश परिक्षा नगरीकनै भर्ना लिने निर्णयप्रति आपत्ति जनाएको छ ।

एसएलसी वा एसइई प्राप्त ग्रेडको आधारमा भर्ना हुने निर्णय भएको भन्दै सोको विरोध गर्दै उक्त निर्णय बिद्यार्थी हित बिपरित रहेको भन्दै निर्णय सच्याउन माग गरेका छन् ।

सो क्रममा जनकपुरधाम स्थित रहेको प्रदेश नं. २ को सिटिईभिटीको कार्यालयमा नेविसँघका पदाधिकारीहरुले ज्ञापन पत्र बुझाएको छ । ज्ञापन पत्रमा कोभिड १९ बाट बच्ने स्वास्थ्य मापदण्ड पूरा गरि आवश्यक सतर्कता अपनाएर प्रबेश परिक्षा गराई मात्र भर्ना गर्न भनिएको छ ।

सिटिईभिटी प्रदेश नं. २ का सँयोजक ईन्द्रजीत गोईतको अगुवाईमा गएको विद्यार्थी नेता नविन यादव, नेविसँघ सिटिईभिटीका जिल्ला उपाध्यक्ष राहुल यादव, सचिव दिपेन्द्र बानियाँ सहितको टीमले सिटिईभिटीको प्रदेश २ कार्यालय मार्फत ज्ञापन पत्र बुझाएको हो ।