जनकपुरबाट बिहानै मोटरसाईकल चोरी

न्यूज ब्यूरो, जनकपुरधाम । जनकपुरबाट बिहानै मोटरसाईकल चोरी भएको छ । जनकपुरधाम उपमहानगरपालिका वडा नं. ४ स्थितबाट सो मोटरसाईकल चोरी भएको हो ।

जनकपुरधाम वडा नं. ४ स्थित रहेको सरँचीय कुटी नजिकबाट २२० सिसिको निलो रँगको पल्सर गाडी चोरी भएको हो । जनकपुरधाम उपमहानगरपालिका वडा नं. ९ बस्ने अमित कुमार पँजीयारको नाममा रहेको गाडी गत असोज १४ गते विहान करिब सवा नौ बजेको समयमा गाडी चोरी भएको हो ।

ज ११ प ९८०४ नम्बरको गाडी चोरी भएको घटना सिसी टिभी क्यामेरामा समेत कैद भएको छ । गाडी चोरी भएलगत्तै जिल्ला प्रहरी कार्यालय धनुषामा निवेदन हालिएको हो । यता,प्रहरीले सिसिटीभी क्यामेराको फुटेजको आधारमा गाडी खोजी कार्य सुरु गरिएको बताइएको छ ।