साढे पाँच लाखको सुर्ती सहित सामान बरामद

न्यूज ब्यूरो, रौतहट । रौतहटमा शस्त्र प्रहरीले सुर्ती सहित विभिन्न मालसामानहरु मंगलवार राति बरामद गरी आवश्यक कारवाहीको लागि गौर भन्सार कार्यालयमा बुझाएका छन् ।

सशस्त्र प्रहरी बल नेपालको ११ नम्वर गणबाट गएको सादा पोसाकको टोलिले इशनाथ नगरपालिकाको औरैया स्थित नेपाल भारत सिमाबाट अबैध रुपमा ल्याइरहेको करिव साढे पाँच लाख मूल्य बराबरको भन्सार छलीको सामान बरामद भएका हुन् ।

भारतबाट नेपाल तर्फ ल्याउदै गरेका १०९ केजी सुर्ती, लत्ताकपडा, मोवाइलको चार्जर, एयरफोन गरी साढे पाँच लाख मूल्य बरामरको सामान बरामद गरिएको तथा सादा पोशाकमा मान्छेहरु आइरहेको देखेर सामान छाडी भारत तर्फ भागेको सशस्त्र प्रहरीका एसपी सुर्यबहादुर सेन ओलीले जानकारी दिए ।

बरामद भएका उक्त सामानहरु सशस्त्र प्रहरी बल नेपालको ११ नम्वर गणमा ल्याएर आवश्यक अनुसन्धान गरी कारवाहीको लागि गौर भन्सार कार्यालयको जिम्मा बुधवार लगाइएको जानकारी समेत उनले दिए ।

दिनानुदिन सामानहरु बरामद भईरहेको छ तर तस्करी कार्य नियन्त्रण हुन नपाएकोमा सिमा क्षेत्रबाट २४ घण्टा टिउटी राख्ने तयारी भईरहेको स्पष्ट पारे ।