धनुषामा कोरोनाबाट थप एक जनाको मृत्यू, काँग्रेसको झण्डा ओढाएर शव व्यवस्थापन

न्यूज ब्यूरो, जनकपुरधाम । धनुषामा कोरोनाबाट थप एक जनाको मृत्यू भएको छ । धनुषाको शहिदनगर नगरपालिका वडा नं. १ बस्ने ६५ बर्षिय पुरुषको मृत्यू भएको हो ।

शुक्रबार स्वासप्रश्वासमा समस्या भएपछि उपचारको लागि जनकपुरको प्रादेशिक अस्पतालमा ल्याएको थियो । उनको शनिबार उपचारको क्रममा अस्पतालमै मृत्यू भएपछि कोरोनाको शंकाको आधारमा स्वाब सँकलन गरेपछि परीक्षण गर्दा शनिबार साँझ ६ बजे उनको रिपोर्ट पोजिटिभ आएको थियो ।

विगत लामो समयदेखि नेपाली काँग्रेसमा क्रियाशिल थिए भने दम र प्रसर रोगबाट लामो समयदेखि ग्रसित थिए ।

आईतबार महेन्द्रनगरको श्रीनाथ गणबाट खटिएको कोभिड शव व्यवस्थापन टोलीले उनको शवलाई शहिदनगर नगरपालिकाको कमला नदि किनारको रामघाटमा शव व्यवस्थापन गरेको हो ।