धनुषामा मोटरसाईकल दुर्घटना, चालकको खुट्टा भाँचिए !

न्यूज ब्यूरो, जनकपुरधाम । धनुषामा बिहिबार अपरान्ह मोसा (मोटरसाईकल) दुर्घटना हुँदा एक जनाको खुट्टा भाँचिएको छ ।

धनुषाको मिथिला नगरपालिका वडा नं. २ नक्टाझिझ स्थित चोकमै अपरान्ह करिब ३ बजेको भएको सो मोटरसाईकल दुर्घटनामा एक मोटरसाईकल चालकको खुट्टा भाँचिएको ईलाका प्रहरी कार्यालय ढल्केवरले जनाएको छ ।

नक्टाझिझ स्थित रहेको पार्कमा मोटरसाईकल अनियन्त्रित भएर ठोक्किन पुग्दा दुर्घटना भएको प्रहरीले जनाएको छ । जनकपुरबाट ढल्केवरतर्फ तीव्र गतिमा गईरहेको मोटरसाई सडकको बीचमा निर्माण गरिएको पार्कमा ठोक्किएपछि दुर्घटना भएको बताईएको छ ।

ज १२ प १७८५ नम्बरको मोटरसाईकलमा सवार युवकको नाम भने खुल्न सकेको छैनन् । उनको एउटा खुट्टा भाँचिएको तथा उनको अवस्था गम्भिर रहेको प्रहरीले जनाएको छ । उनको उपचार अहिले प्रादेशिक अस्पताल जनकपुरमा भईरहेको जनाइएको छ ।