३९ कार्टुन कुखुराको चल्ला सहित पक्राउ

न्यूज ब्यूरो, वीरगँज । जिल्ला प्रहरी कार्यालय पर्साले ३९ कार्टुन अवैद्य चल्ला सहित २ जनालाई पक्राउ गरेको छ ।

विशेष सूचनाको आधारमा शनिबार विहान करिब ३ बजेको समयमा जिल्ला प्रहरी कार्यालय पर्साको प्रहरी टोलीले पर्साको बहादुरमाई नगरपालिका वडा नं. २ नगरदाहबाट बिन्दाबासिनी गाउँपालिका वडा नं. ३ झैवागुठ्ठी बस्ने बर्ष ३० का ललन साह कानु सहित एक भारतीय नागरिकलाई पक्राउ गरिएको हो ।

सोही क्रममा भारत बिहार पुर्वी चम्पारण महादेवा बस्ने बर्ष २७ को नरेश यादवले BR 22K1519, BR 05N 7765 र ना. ९ प ४०२६ नम्बरको मोटरसाईकलमा अवैध रुपमा भारत रक्शौलबाट ल्याउदै गरेको कुखुराको चल्ला ३९ कार्टुन (२४०० वटा) बरामद गरिएको जनाइएको छ ।

चल्ला सहित ती दुवै जनालाई पक्राउ गरी चल्ला र सवारी साधन सहित आवश्यक कार्वाहीको लागी जिल्ला पशु क्वारेन्टाईन सिर्सियामा पठाईएको जनाईएको छ ।