डा. साहको मृत्यूको निष्पक्ष छानबिन हुनुपर्छ : चिकित्सक जनमत सँघ

न्यूज ब्युरो, जनकपुरधाम । भारतको मेदान्ता अस्पतालमा कार्यरत मधेशका चर्चित डाक्टर सुजित कुमार साहको मृत्यू सँकास्पद रहेको भन्दै निष्पक्ष छानबिनको माग गरिएको छ ।

कलेजो प्रत्यारोपणको क्षेत्रमा विश्वमै नाम कमाउदै गरेका, भारतको मेदान्ता अस्पतालमा कार्यरत ३९ बर्षीय नेपाली डा. सुजित कुमार साहको अचानक मृत्युले शंका उत्पन्न भएको भन्दै छानबिनको माग गरिएको हो ।

चिकित्सक जनमत सँघले एक प्रेस विज्ञप्ति जारी गर्दै मधेशका नाम कमाएर चिकित्सक तथा मिजाजिलो स्वभावका उनी अरुलाई सफल हुन उत्साहित गर्ने व्यक्ति भएकोले उनले आत्महत्या गर्न नसकिने ठहर गर्दै छानबिनको माग गरेको छ ।

उनले आत्महत्या गर्लान भनि कसैले पत्याउन नसकिने कुरा उनीसंगै कार्यरत अर्का नेपाली डा. एकानन्द सिंह बताउंछन । गत सेप्टेम्बर २ का दिन डा. साहको शव गुरुग्राम स्थित उनी बसेको अपार्टमेन्टको भूईंमा फेला परेको थियो ।

प्रहरीले भने मृतक डा। साहले उनी आफू बसेको ८ औं तल्लामा रहेको फ्ल्याटको बालकोनी बाट हाम फाली आत्महत्या गरेको अनुमान गरेको छ ।

यसरी विदेशी भूमिमा डा. साह को शंकास्पद मृत्यु प्रति चिकित्सक जनमत संघले शोक व्यक्त गरेको छ । चिकित्सक जनमत सँघका उप सँयोजक डा सुबन्त कुमार कुशवाहा तथा उपसँयोजक एवम् प्रवक्ता डा. बिनय पँजीयारद्धारा सँयुक्त हस्ताक्षरित प्रेस विज्ञप्तिमा यस घट्ना बारे निश्पक्ष छानविन गर्नका लागी भारत स्थित नेपाली दूतावासको पहलमा यथाशिघ्र प्रकिया बढाई सत्यतथ्य पत्ता लगाइदिन नेपाल सरकार समक्ष आग्रह गरेको छ ।