कल्याणपुरकी उपमेयर र प्रशासकीय अधिकृत कोरोना मुक्त

न्यूज ब्यूरो, सिरहा । सिरहाको कल्याणपुर नगरपालिकाकी उपमेयर रोहिनी कुमारी यादव कोरोना मुक्त भएकी छिन् ।

कल्याणपुरका मेयर निलम्बनमा परेपछि कार्यबाहक मेयरको जिम्मेवारी सम्हाल्दै आएकी उनको आज आएको रिपोर्ट निगेटिभ आएको हो ।

उनीसँगै त्यहाँका निमित्त प्रमुख प्रशासकीय अधिकृत जयकुमार दासको रिपोर्ट पनि निगेटिभ आएको छ । उनीहरुको गत ४ गते संकलन गरिएको स्वाबको रिपोर्ट पोजेटिभ आएको थियो ।

कोरोना संक्रमति भएपछि उनीहरु आइसोलेशनमा बस्दै आएका थिए । त्यसपछि १७ गते संकलन गरिएको स्वाबको रिपोर्ट आज निगेटिभ आएको कल्याणपुरका कोरोना फोकल पर्सन गौरीशंकर देवले जानकारी दिए ।