समाचार प्रभावः कोठामा थुनिएका विरामीलाई ईमरजेन्सीमा भर्ना, तीनै जनालाई उद्धार

न्यूज ब्यूरो, वीरगँज । बीरगँजको नारायणी अस्पतालमा बेबारिसे रुपमा कोठामा छाडिएका दुई पुरुषलाई आज (आईतबार) ईमरेन्सी वार्डमा भर्ना गरिएको छ ।

न्यूज ब्यूरो सहकर्मी एवम् अभियन्ता समेत रहेको सौरभ साहको विशेष पहलमा कैयौ दिनदेखि अस्पतालको एउटै कोठामा बसेर नरकीय जीवन बिताएका दुवै जनालाई ईमरजेन्सीमा भर्ना गरिएको हो ।

न्यूज ब्यूरोले आईतबार विहान वीरगँजको नारायणी हस्पिटलमा जिउँदै सडदै विरामी, अवस्था देखेर भक्कानिए पत्रकार शिर्षको समाचार प्रकाशित गरेपछि तथा अभियन्ता एवम् ब्यूरोकर्मी सौरभ साहको विशेष सक्रियता र पहलमा उनीहरुलाई उचीत व्यवस्थापन गरिएको हो ।

मानव सेवा आश्रमकी हेमा थापा (हेमा दिदी), विकेक महतो सहित आश्रमका अन्य समाजसेवीहरुले तीनै जनालाई ३ घण्टा लगाएर सरसफाई गरी व्यवस्थापन गरेको हो ।

साहले मानव सेवा आश्रमसँग समन्वय गरी एक जनालाई आश्रममा आश्रय दिइएको हो भने अन्य दुई जनालाई स्वास्थ्य अवस्थाको खयाल गरी अस्पतालमै भर्ना गरेको हो । वीरगँजको मानव सेवा आश्रम सडकमा रहेका बेबारिसे, अन्य ठाउँमा रहेका विवस, बेबारिसे, असहायलाई आश्रममा ल्याएर नयाँ जीवन दिने गरेको छ ।

अस्पतालको माथिल्लो एक कोठामा थुनिएका दुई जनाको अवस्था नर्क झैं बनाइएको थियो । सवारी दुर्घटनामा घाईते भएका दुई पुरुषको अवस्था मरोमसान्त भएको थियो । एउटैक कोठामा भुई ओछ्यानबाट उठन् नसकेर दिशा पिसाब र खाना सोही ठाउँमा गर्दै आएको थियो ।

समाजिक सँजालमा तस्विर र फोटो भाईरल भएपछि उनीहरुको अवस्थालाई नरकीय जीवनको सँज्ञा दिइएको छ । सोही ठाउँमा करिब १५ दिनदेखि उपचार अभाव र अस्पतालमै माथिल्लो बरण्डमा बस्दै आएका अर्का (तेस्रो) पुरुषलाई समेत उद्धार गरिएको छ ।

वीरगँज स्थित रहेको मानव सेवा आश्रममा उनलाई व्यवस्थापन गरिएको अभियान्ता साहले बताएका छन् । तीनै जनालाई सरसफाई गरी अस्पताल र आश्रममा व्यवस्थापन गरिएको हो ।

---

मानव सेवा आश्रमकी हेमा थापा (हेमा दिदी), पत्रकार सौरभ साह, विवेक महतो सहित आश्रमका पदाधिकारीहरुप्रति त्रिनेत्र न्यूज नेटवर्क र न्यूज ब्यूरो आभार र सम्मान प्रकट गर्दछ ।