धनुषाः कोरोनाबाट मृत्यू भएका पुरुषको नेपाली सेनाको अन्तिम सलामी

न्यूज ब्यूरो, जनकपुरधाम । कोरोना सँक्रमणबाट मृत्यू भएका एक पुरुषको आज नेपाली सेनाले विधिवत रुपमा अन्त्येष्टि गरेको छ ।

विहिबार कोरोना सँक्रमणबाट मृत्यू भएको धनुषाको नगराईन नगरपालिका वडा नं. ७ बस्ने बर्ष ६५ का एक पुरुषको कोरोनाका कारण विहिबार मृत्यू भएको तथा आज उनको अन्तिम सँस्कार सेनाले गरेको जिल्ला प्रशासन कार्यालय धनुषाका प्रशासकीय अधिकृत गणेश मिश्रले जनाएका छन् ।

मृतक लामो समय देखि मुटु, दम, डायबिटिज सम्बन्धि रोगबाट ग्रतित भई श्वासप्रश्वासमा समस्या भएपछी उपचारको लागि जनकपुर प्रादेशिक अस्पतालमा गत बुधबार भर्ना गरिएको थियो ।

विहिबार थप उपचारको लागि प्रदेशिक अस्पताल जनकपुरबाट एम्बुलेन्स मार्फत धरान स्थित वि.पी. मेमोरियल अस्पतालमा लैजादै गर्दा बाटोमा नै मृत्यु भएको थियो । मृत्य पश्चात उनलाई पुनः प्रादेशिक अस्पताल जनकपुरमा ल्याई कोरोनाको स्वाव परिक्षण गर्दा मृतकमा कोरोना पोजेटिभ देखिएको थियो ।

शुक्रबार धनुषाको महेन्द्रनगरमा अवस्थित श्री श्रीनाथ गणबाट खट्टिएका कोभिड १९ डेथ बडि मेनेजमेन्ट टीमले नगराइन सोही वडाको देवडिहा स्थित कोभिडको शव व्यवस्थापन कार्यविधि अनुसार व्यवस्थापन गर्दै अन्तिम सलामी सहित अन्येष्टि गरेको हो ।

कोरोनाबाट डरले आम नागरिक त्रसित रहेको बेला नेपाली सेनाको डेथ बोडी मेनेजमेन्ट टीमले देखाएको साहसी कदमलाई समाजिक रुपमा उच्च सम्मानसाथ प्रशँसा गरिएको छ । महामारीमा पनि अग्रपन्तीमा रहेर कोरोनाबाट मृतकको शव व्यवस्थापनमा साहसी र वीरता देखाएको भन्दै चौतर्फी रुपमा प्रशँसा र सम्मान दिइएको छ ।

कोभिड–१९ को महामारीमा नेपाली सेनाको कार्यलाई समाजिक हिरोको रुपमा देखिएको छ । समाजिक सँजालदेखि पत्रपत्रिका तथा विभिन्न सँचारमाध्यममा टीमलाई सराहना गरिएको छ ।