बीरगँजः कोरोना सँक्रमितको दैनिक सँख्या घटदै

न्यूज ब्यूरो, बीरगँज । महामारीको रुपमा फैलिएको कोरोना भाइरसबाट सँक्रमित हुनेको सँख्या पर्सामा घटदै गएको छ । श्रावन सुरुभएसँगै पर्सामा उकालो लाग्न सुरु भएको कोरोना सङ्क्रमितहरुको संख्या पछिल्लो समयमा आएर घट्न सुरु भएको छ ।

पछिल्लो समय पर्सामा कोरोना सङ्क्रमितहरुको संख्यामा गिरावट आएको छ । कुनै समयमा दिनमा १ सय भन्दा बढीसम्म सङ्क्रमित थपिएन पर्सामा बुधबार जम्मा १९ जनामा कोरोना सङ्क्रमण पुष्टि भएको छ ।

जिल्ला प्रशासन कार्यालय पर्साले उपलब्ध गराएको जानकारी अनुसार पर्सामा आज वीरगञ्ज महानगरपालिकामा ६ जना, पर्सागढी नगरपालिकामा १२ जना र धोबिनी गाउँपालिकामा १ जनागरी १९ जना सङ्क्रमित थपिएका हुन् । सङ्क्रमित हुनेमा ४ जना महिला रहेका छन् ।

पर्सा जिल्लाको विभिन्न स्थानबाट कन्ट्याक्ट ट्रेसिङ मार्फत जम्मा गरिएको ४ सय ३३ जनाको स्वाबलाई नारायणी अस्पतालको पिसिआर ल्याबमा परिक्षण गर्दा जम्मा १९ जनामा सङ्क्रमण देखिएको जिल्ला प्रशासन कार्यालयको तथ्यांकले देखाएको छ ।

थपिएका सङ्क्रमित मध्ये वीरगञ्ज महानगरपालिकाको वडा नम्बर ४, ५, ९, २५, १६ र २२ मा एकरएक जना रहेका छन् भने पर्सागढी नगरपालिकाको वडा नम्बर ४ का १२ जना रहेका छन् । त्यसैगरी धोबिनी गाउँपालिकाको वडा नम्बर ३ का एक जना सङ्क्रमित भएको जिल्ला प्रशासन कार्यालय पर्साले जानकारी दिएको छ ।

पछिल्लो समय आएर नारायणी अस्पतालले थपिने सङ्क्रमितहरुको सिटि भ्यालु समेत सार्वजनिक गर्न सुरु गएको छ । बुधबार थपिएका सङ्क्रमित मध्ये १ जनाको सिटि भ्यालु २१ देखि २४ को बीचमा रहेको छ भने २८ जनाको २५ भन्दा माथि रहेको छ । सिटि भ्यालु २४ भन्दा माथि रहेका सङ्क्रमितले सङ्क्रमण फैलाउँने जोखिम कम भएको विज्ञहरुले बताउँछन् ।

योसँगै पर्सा जिल्लामा सङ्क्रमितहरुको संख्या १ हजार ९ सय ९८ पुगेको छ भने सङ्क्रमणबाट ज्यान गुमाउँने ३१ पुगेका छन् ।

---

सन्दर्भ समाग्रीः यात्राडेली दैनिक