बोक्सी (डायन) को आरोपमा महिला कुटने यादव प्रहरीको फन्दामा

न्यूज ब्यूरो, जलेश्वर । महोत्तरीको सम्सी गाँउपालिकाको महिलालाई वोक्सीको आरोप लगाउदै कुटपिट गर्ने युवकलाई अन्तत प्रहरीले नियन्त्रणमा लिएको छ ।

विभिन्न सँचारमाध्यमहरुमा समाचार सम्प्रेषण भएपछि जिल्ला प्रहरी कार्यालयका टोलीले २४ बर्षिय कृष्ण यादवलाई गएराति (शनिबार राती) प्रहरीले नियन्त्रणमा लिएको हो ।

कृष्णा हाल जिल्ला प्रहरी कार्यालयको हिरासतमा रहेको प्रहरी उपरिक्षक टिका केसीले बताए। प्रहरी उपरिक्षक केसीका अनुसार घटनाको विषयमा सुक्ष्म रुपमा अनुसन्धान गर्दै दोषीलाई कानुन अनुसारको कारवाही र पिडितलाई न्याय दिलाउनका लागि महोत्तरी प्रहरी लागि परेको जनाएको छ ।

गत शुक्रवारराति स्थानिय पवनदेवीलाई वोक्सीको आरोप लगाउदै कृष्णा यादवका परिवार मरासन्न हुने गरि कुटपिट गरको थियो ।

प्रहरीले तत्काल कृष्णलाई नियन्त्रणमा लिएपछि प्रहरीले राजनितीक दवावका कारण रातारात छोडेका थिए ।