सप्तरीमा ११ बर्षिय बालिकालाई बलात्कार आरोपमा उजुरी

न्यूज ब्यूरो, सप्तरी । प्रदेश नं. २ को सप्तरीमा एक बालिकालाई बलात्कार गरेको आरोपमा प्रहरीले उजुरी दर्ता गरेको छ ।

सप्तरीको महादेवा गाउँपालिका वडा नं. ३ बथनाहा स्थित एक ११ बर्षिय बालिकालाई बलात्कार गरेको आरोपमा उजुरी दर्ता गराइएको हो । बालिकालाई बिजुली बत्ती गएपछि मौका छोपेर बलात्कार गरेको आरोप लगाइएको छ ।

सामूहिक रूपमा टेलिभिजन हेरिरहेका बेला आरोपितले गत सोमबार राति ९ बजे बालिकाको मुख थुनी नियन्त्रणमा लिई टोलभन्दा करीब ४ सय मिटर टाढा लगेर बलात्कार गरेको आरोपमा उजुरी दर्ता गरिएको हो ।

ईलाका प्रहरी कार्यालय कञ्चनरुपका अनुसार, पीडित बालिकाकी आमाले दिएको उजूरीका आधारमा स्वास्थ्य परीक्षण र थप अनुसन्धानपछि दर्ता गरिएको छ ।

ईलाका प्रहरी कार्यालयले उजूरी दर्ता गरी आरोपितको तीव्रताका साथ खोजी गरिरहेको जिल्ला प्रहरी कार्यालय सप्तरीका प्रहरी नायब उपरीक्षक एवम् सूचना अधिकारी तिलक भारतीलेबताए ।

उनले पीडितको राजविराजस्थित गजेन्द्रनारायण सिंह अस्पतालमा मङ्गलबार स्वास्थ्य परीक्षण भएको जानकारी दिएका छन् ।