लाखौं रुपैयाँ सहित दुई महिला पक्राउ

न्यूज ब्यूरो, रौतहट । रौतहट प्रहरीले दुई महिलालाई लाखौं रुपैयाँ सहित पक्राउ गरेको छ ।

स्रोत नखुलेको ६ लाख बढी नगदसहित दुई महिला पक्राउ गरिएको जिल्ला प्रहरी कार्यालय रौतहटले जनाएको छ । विशेष सूचनाका आधारमा कार्यालय मातहत अस्थायी प्रहरीचौकी महादेवपट्टीबाट असई मनोजकुमार सिंहको नेतृत्वमा खटिएको प्रहरी टोलीले उनीहरुलाई पक्राउ गरेको हो ।

रौतहटको गौर नगरपालिका वडा नं ३ दशगजा क्षेत्रमा घाँस काट्न भनी आएका दुई भारतीय महिलाका साथबाट स्रोत नखुलेको रु ६ लाख ४० हजार बरामद गरेको रौतहट प्रहरी प्रमुख एसपी रबिराज खड्काले बताए ।

रकमसहित पक्राउ पर्नेमा भारत विहार राज्य जिल्ला सीतामढी बैरगनियाँ ग्राम पञ्चायत वडा नं १ सिन्दुरिया बस्ने ४५ वर्षीया शान्ति देवी र ४५ वर्षीया मीना देवी छन् ।