सिरहाको नरहा गाउँपालिकामा पनि निषेधाज्ञा

न्यूज ब्यूरो, सिरहा । सिरहको नरहा गाउँपालिकाले शुक्रबार (आज) राती १२ बजे देखि निषेधाज्ञा लगाउने निर्णय गरेको छ ।

कोरोना भाइरसको महामारी समुदाय स्तरमा फैलिइरहेका बेला नरहा गाउँपालिकामा जोखिम कम गर्नका लागि मिति आज राती १२ बजे देखि भदौ ५ गते राती १२ बजे सम्मका लागि निषेधाज्ञा लगाउने भएको छ ।

नरहा गाउँपालिका लगायतका छिमेकी नगरपालिकाहरु मिर्चैया र गोलबजार नगरपालिकाहरुमा समुदाय स्तरमा कोराना भाइरसको संक्रमण बढन थालेको हुदाँ रोकथाम तथा नियन्त्रणको लागि यस गाउँपालिका भित्र सार्वजनिक यातायात बन्द गर्ने , बैंक तथा वित्तिय संघ संस्थाहरु समाजिक दुरी कायम गरि संचालन गर्ने निर्णय गरको हो ।

यसका साथै, गाउँपालिका कार्यालय र वडा कार्यालयका कामहरु कर्मचारीहरुबाट आलोपालो गरि काम गराउने, हाट बजार, होटल, र अन्य पसल पूर्ण रुपमा बन्द गर्ने, अत्यावाश्यक सेवा औषधि पसल २४ घण्टा र खाद्यान्न, पानीको गाडी, ग्यास पसल, किराना पसल बिहान ८ बजे देखि ११ बजे सम्म मात्र खुल्ला राख्ने निर्णय गरेको हो ।

लकडाउन उलंघन गर्नेलाई नियमअनुशार कारवाही गर्ने समेत निर्णय गरिएको जनाइएको छ । कारवाही भने स्थानीय प्रशासनले गर्ने जनाइएको छ ।