जनकपुरधाममा कोरोनाबाट थप एकको मृत्यु

न्यूज ब्यूरो, जनकपुरधाम । धनुषाको जनकपुरधाममा थप एकजना कोरोना संक्रमितको मृत्यु भएको छ ।

जनकपुरधाम प्रादेशिक अस्पतालको आइसोलेसनमा उपचाररत विदेह नगरपालिका वडा नम्बर ८ का ६० वर्षीय पुरुषको मृत्यु भएको हो ।

कोभिड–१९ संयोजक डा. जामुन सिंहका अनुसार, उनको १८ दिनदेखि आईसीयूमा राखेर उपचार चल्दै आएको थियो । गएराति उनको मृत्यु भएको उनले जनाए ।

उनी क्षयरोग र निमोनियाबाट पनि पीडित थिए । उनको ट्राभल हिस्ट्री भने खुल्न बाँकी छ । उनको शव व्यवस्थापनको तयारी भइरहेको छ ।

यससँगै धनुषा जिल्लामा कोरोना संक्रमणबाट मृत्यु हुनेको संख्या तीन पुगेको छ ।