प्रदेश २ मा संक्रमितको संख्या झण्डै ६ हजार नजिक

न्यूज ब्यूरो, जनकपुरधाम । प्रदेश २ मा पछिल्लो २४ घण्टामा १५३ जना कोरोना संक्रमित थपिएका छन् ।

जिल्ला प्रहरी कार्यालय पर्साका १३ प्रहरी र थुनुवासहित पर्सामा ९२ जनामा संक्रमण पुष्टि भएको प्रदेश २ स्वास्थ्य निर्देशनालयले जनाएको छ ।

त्यस्तै सर्लाहीमा २२ जना, रौतहटमा १९ जना, धनुषामा १३ जना, बारामा ४ र महोत्तरीमा ३ संक्रमित थपिएका छन् । यससँगै २ मा कोरोना संक्रमितको संख्या ५ हजार ८ सय ९४ पुगेको छ ।