बीरगँजको घण्टाघर स्थित झडप, ३ पक्राउ !

सौरभ साह, बीरगँज । प्रदेश नं. २ को बीरगँजमा आज (सोमबार) दिउँसो झडप भएको छ । प्रहरी र विद्यार्थीबीच झडप भएको बताइएको छ ।

कोरोना माहामारिमा प्रशासनको फितलो उपस्तिथि र मेडिकल माफियाहरुको लापरबाही विरुद्ध नेपाल विद्यार्थी सँघ (नेविसँघ) ले प्रदर्शन गरेपछि झडप भएको हो ।

मेडिकल माफियाहरुको कारण दिनहुँ मान्छे मृत्यु वर्ण गरि रहँदा पनि सरोकारबाला निकाय मौन रहेको भन्दै नेपाली कांग्रेसका भातृ संगठन नेपाल विद्यार्थी संघले आज जिल्ला प्रशासन र मेडिकल माफियाको बिरोधमा जिल्ला प्रशासन कार्यालय घेराउ गर्न गएका थिए ।

सोही क्रममा नेबिसँघ पर्साका जिल्ला सभापति बिकास तिवारी, इकाइ सभापति मनोज साह र जिल्ला उपाध्यक्ष शेष हजारलाई प्रहरीले गिरफ्तार गरेको छ ।

उनीहरुले नारायणी अस्पताल यथाशिघ्र सँचालन गर, मेडिकल माफीयाहरुलाई कारवाही गर, प्रशासनको उपस्थित बाक्लो गर लगायतका नाराहरु लगाउँदै प्रदर्शन गरेका थिए ।