जनकपुरः क्यान्सर अस्पतालको गार्डको मृत्यू, कोरोनाको आशंका !

न्यूज ब्यूरो, जनकपुरधाम । जनकपुरधाम उपमहानगरपालिका वडा नं. २ कदमचोक विद्यानगर स्थित रहेको एक अस्पतालको गार्डको मृत्यू भएको छ । उनलाई कोरोनाको लक्षण आशंका गरिएको छ ।

कदमचोक विद्यानगर स्थित रहेको विनय तारा फाउण्डेशनमा कार्यरत सेकुरिटी गार्डको मृत्यू भएको स्थानीय सुरेन्द्र साहले जनाएका छन् । धनुषाको मिथिला बिहारी नगरपालिका वडा नं. ५ ललिया बस्ने अन्दाजी बर्ष ४५ का सो पुरुषलाई केही दिनदेखि ज्वरो, रुघाखोकी हुँदै आएको थियो ।

यद्यपी, उनलाई कोरोनाको सँक्रमण रहेको नरहेको बारे पुष्टि भएको छैनन् । अस्पतालमा सेकुरिटी गार्डको काम गर्दै आएका सो पुरुषको स्वास्थ्य अवस्था बिग्रेपछि ल्याउँदै गर्दा बाटोमै मृत्यू भएको थियो । मृतकलाई अहिले विनय तारा फाउण्डेशन क्यान्सर अस्पतालमै राखिएको छ ।

यता, धनुषाका प्रमुख जिल्ला अधिकारी प्रेम राज भट्टराईले उनमा कोरोनाको आशंका गरिएकोले अहिले स्वाब सँकलन गरिने तथा रिपोर्ट पोजिटिभ आएपछि कन्टयाक्ट ट्रयासिँग गरिने बताएका छन् । न्यूज ब्यूरोसँगको सँक्षिप्त कुराकानीमा सिडिओ भट्टराईले स्वास्थ्य कार्यालयलाई जानकारी गराएको र स्वाब परीक्षणको तयारी भइरहेको बताए ।

मृतक यसअघि मिथिला बिहारी नगरपालिकाको विभिन्न कार्यक्रमहरुमा समेत सहभागीत भएको बुझिएको छ । यसबारे वडा नं. ५ का वडाध्यक्ष विनोद मण्डलसँग सम्पर्क हुन सकेनन् ।

आजै जनकपुरकै काब्या होस्पिटलमा समेत एकजना मुटु र दमका रोगीको मृत्यु भएको छ । उनमा कोरोनाको लक्षण नदेखिएपनि स्वाब भने सँकलन गरि परीक्षण गरिने जनाइएको छ ।