सिरहाका एक युवकको कोरोना संक्रमणबाट ज्यान गयो

न्यूज ब्यूरो, सिरहा । सिरहाका एक युवकको कोरोना संक्रमणबाट मृत्यु भएको छ ।

सिरहाको गोलबजार नगरपालिका–१२ का २३ वर्षीय युवकको कोरोना संंक्रमणबाट मृत्यु भएको हो । उनी विगत तीन वर्षदेखि किड्नीको समस्याले सिकिस्त थिए ।

उनको उपचारको क्रममा बीपी कोइराला स्वास्थ्य विज्ञान प्रतिष्ठान धरानमा बिहीबार राति मृत्यु भएको हो । मृत्यु भएका युवकमा गत बुधबार कोरोना संक्रमण पुष्टि भएको थियो ।

मृतक युवकको शव सिरहा ल्याउने तयारी भइरहेको जिल्ला स्वास्थ्य कार्यालय सिरहाका प्रमुख विष्णुदेव यादवले जानकारी दिए । उनको दाह संस्कार नेपाली सेनाले गर्ने जनाइएको छ ।