सिरहा : नियम विपरित शिक्षक सरुवा, खारेज गर्न काँग्रेसको माग

न्यूज ब्यूरो, लहान । स्थानीय तहले शिक्षकहरुको सरुवा गर्न पाउने अधिकार नभएपनि बलपूर्वक सरुवा गरेको भन्दै नेपाली काँग्रेसले सरुवा खारेजीको माग गरेको छ ।

सिरहा जिल्लाको लहान नगरपालिकाले नगरभित्र रहेको समुदायिक विद्यालयहरुको प्राथमिक तहका शिक्षक शिक्षिकाहरुको एकमुष्ठ रुपले नै सरुवा गरेको भन्दै तत्काल त्यो निर्णय फिर्ता गर्न माग गरेको छ ।

नेपाली काँग्रेस लहान नगर कार्य समितिले एक प्रेस विज्ञप्ति जारी गर्दै शिक्षा ऐन, नियमावली केही परिवर्तन नभएपनि आफूखुसी र नियम विपरित शिक्षक सरुवा गरेको भन्दै सरुवा खारेजीको माग गरिएको हो ।

शिक्षक सरुवाको लागि प्रहरी मार्फत घर घरमा पत्र बुझाएको जनाउँदै विद्यालय व्यवस्थापन समिति समेत अनभिज्ञ रहेको अवस्थामा शिक्षक सरुवा पूर्णत निमय विपरित भएको ठहर गर्दै खारेजीको माग गरेको हो । काँग्रेसले शिक्षक सरुवा खारेज नगरे आन्दोलन गर्ने चेतावनी समेत दिएको छ ।