सिरहामा रक्तदान

न्यूज ब्यूरो, सरहा । सिरहामा विद्यार्थी जनमत संघले रक्तदान कार्यक्रम गरेको छ ।

कोरोना कहरमा रगत अभाव हुन नदिन संघले रक्तदान कार्यक्रम गरेको हो । जनमत पार्टी सिरहाको कार्यालय परिसरमा गरिएको रक्तदान कार्यक्रममा ५० जनाले रक्तदान गरेका छन् ।

कोभिड १९ को त्रासका कारण जिल्लामा सिर्जित रगत अभाव न्यूनिकरण होस् भनेर रक्तदान कार्यक्रम आयोजना गरेको विद्यार्थी जनमत संघ सिरहाका अध्यक्ष अरविन्द सहनीले बताए ।

पछिल्लो समय कोराना भाइरस संक्रमणको त्रासले गर्दा विभिन्न संघसंस्थाले नियमित गर्दै आएको रक्तदान कार्यक्रम रोकिदिँदा सिरहामा रगतको अभाव देखिएको छ ।