जनकपुरः एभरेष्ट पेपर मिल्सका मजदुर फेरी उत्रे आन्दोलनमा

न्यूज ब्यूरो, जनकपुरधाम । एभेरेष्ट पेपर मिल्सका मजदुरहरु फेरी आन्दोलनमा उत्रेका छन् । धनुषाको क्षिरेश्वरनाथ नगरपालिकाको वडा नं. ५ स्थित रहेको एभेरेष्ट पेपर मिल्सका मजदुरहरु विभिन्न माग राखी आन्दोलनमा उत्रेका हुन् ।

एभरेष्ट पेपर मिल्सले मजदुरहरुको ज्याला नदिएको भन्दै फेरी पनि मजदुरहरु हडतालमा उत्रेका छन् । गत वर्षको मँसीर देखि नै दैनिक ज्यालादारीमा खट्दै आएका करिब ५०० मजदुरहरुको ज्याला दिने अस्वासन दिइ मिलभित्रको त्यारी सामान निकालदै ठगदै आएको भन्दै शुक्रवार पुन्ह कारखानाको मुख्यगेटमा तालचा लगाई हडतालमा उत्रेका छन् ।

विश्वभरी महामारीको रुपमा फैलि रहेको कोरोना भाइरस रोकथामको लागि सरकारले जारी गरेको लामो बन्दाबन्दीको बेला समेत आफूहरुलाई काम गरेको पैसा नदिएपछि आन्दोलन गरेका थिए ।

त्यसपछि उनीहरुलाई मात्र १ महिनाको तलव उपलब्ध गराई पुनः काममा फर्काएको थियो तर अहिल मिलभित्र रहेको त्यारी सामान ओसारपोसर गरी अनिश्चितकालका लागी दैनिक ज्यालादारी गर्ने मजदुरहरुलाई काममा रोक लगाई बाँकी तलब रोकेर राखेको मजदुरहरुको भनाई रहेको छ ।