धनुषाः लेखापाल सहित नगरपालिकाको ३ कर्मचारीमा कोरोना

न्यूज ब्यूरो, जनकपुरधाम । धनुषाको एक नगरपालिकाको ३ जना कर्मचारीमा कोरोना सँक्रमण देखिएको छ ।

धनुषाको विदेह नगरपालिकाको कार्यालयमा कार्यरत विभिन्न पदका व्यक्तिहरुमा कोरोना पोजिटिभ देखिएको हो । विदेह नगरपालिकाका स्वास्थ्य सँयोजक एवम् कोरोनाको लागि फोकल पर्सन राम सुन्दर साहका अनुसार ३ विभिन्न पदका कर्मचारीमा कोरोना देखिएको हो ।

केही दिन अघि गरिएको स्वाब सँकलन र परीक्षणबाट मँगलबार ३ जना कर्मचारीमा पोजिटिभ देखिएको बताइएको छ । साहका अनुसार लेखापाल, कम्प्युटर अपरेटर र स्टोर किपरमा कोरोना पोजिटिभ देखिएको हो ।

सो क्रममा लेखापालसँग विभिन्न व्यक्तिहरु सम्पर्कमा आएको हुनुपर्ने अनुमान गरिएको छ । अगाडीको कदम चालिने पनि जनाइएको छ ।